''எனது காதலர் உலகிலேயே அரிதாக ஏற்படக்கூடிய உடல் பாதிப்பொன்றுக்கு உள்ளாகியிருக்கலாம். ஆனால் நாங்கள் இயல்பான ஜோடிகளாகவே வாழ்கிறோம்’’ என தோலின் கீழ் கொழுப்பை சேமிக்க முடியாத விநோத உடல் பாதிப்புக்குள்ளான பிரித்தானிய சைக்கிளோட்ட வீரர் ஒருவரின் காதலி தெரிவித்தார்.
டொம் ஸ்டனிபோர்ட் (24 வயது) என்ற மேற்படி இளைஞருக்கு அவரது 12 ஆவது வயதிலிருந்து தோலில் கொழுப்பை சேமிக்க முடியாத பாதிப்பு ஏற்பட்டது.
எனினும் மனம் தளராத டொம் ஸ்டனிபோர்ட், சைக்கிளோட்டப் போட்டிகளில் பங்குபற்றுவதில் தனது கவனத்தை திசை திருப்பினார்.
இந்நிலையில் அவருக்கு இணையத்தளத்தில் எதுவித உடல் பாதிப்பும் இல்லாத அலைஸ் மில்லர் என்ற 23 வயது யுவதி அறிமுகமானார்.
ஸ்டனிபோர்ட்டின் தளராத மனத்தால் கவரப்பட்டு தீவிர காதல் கொண்ட அலைஸ் மில்லர், தற்போது ஸ்டனிபோர்ட்டுடன் லண்டனில் வசித்து வருகிறார்.
‘‘நான் அவரை முதன் முதலாக நேரில் சந்தித்தபோது அவரது விசித்திரமான தோற்றம் எனக்கு கவலை தந்தது. ஆனால் அவரது நட்புறவான உரையாடலும் அவர் பழகும் விதமும் எனக்கு அவர் மீதான காதலை தீவிரப்படுத்தின'' என அலைஸ் கூறினார். டொம் ஸ்டனிபோர்ட் சராசரி மனிதர்களில் காணப்படுவதுடன் ஒப்பிடுகையில் 40 சதவீதசதைப்பகுதியையே கொண்டுள்ளார்.
உலகில் 'எம்.டி.பி.' நோய் அறிகுறி என்றழைக்கப்படும் இத்த கைய பாதிப்புக்குள் ளான 8 பேரில் டொம் ஸ்டனி போர்ட்டும் ஒருவராவார்.
No comments:
Post a Comment